Allah ta’ala ke baz bundon ne Allah ta’ala ke do do Asma ko akkattha kar ke bhi padha hai jis se Asma-e-Elahiya ke Fayooz o Barkaat mein be panah izafah paaya hai. “YA BASITO YA RAZZAQO” in do Asma ke khawaas aur fawaid yeh hain.

Ya Basito Ya Razzaqo Wazifa benefits in Urdu

Agar koi yeh chahay ke is ke ghar mein muflisi aur bemari na aaye aur woh makhlooq mein se kisi ka mohtaaj na rahay to usay chahiye ke woh Namaz Fajar ada karne se pehlay 380 martaba (Ya Basito Ya Razzaqo) is wazifa ko padh kar apne ghar ke charon kono mein phoonk maray is ke bad jab Namaz Fajar padh le to phir Namaz chaasht ke waqt bhi isi tarah amal kere InshaAllah taala is ke ghar main kabhi muflisi o tangdasti dakhil na hogi aur usay wafar miqdar mein rizq hasil hona shuru ho jaye ga.

Ya Basito Ya Razzaqo har namaz ke baad 700 martaba padhne se gurbat o iflaas ka khatama hota hai us par Rizq ke darwaze khul jatay hain Tamam Muashi mushkilaat aasan ho jati hain. Allah ta’ala apni makhlooq mein se kisi ka mohtaaj nahi karta aur is ki tamam jaaiz hajat ko poora farma deta hai.

Yah Asma Karobar mein Barkat ke liye bohat akseer hain. Lehaza agar kisi ka Business thap ho gaya ho aur aamdani mein kami waqay ho gayi ho to woh har Namaz ke baad 303 martaba in Asma ko padha kar Allah ta’ala se DUA mangay to InshaAllah ta’ala is ki rozi mein kher o barket paida ho jaye gi.

Agar koi rizq ki tangi ka shikaar ho, Zareya aamdani intehai mehdood ho to woh har roz Namaz chaasht padhnay ke bad 1100 martaba (Ya Basito Ya Razzaqo) is wazifa ko padh kar Allah ta’ala se dua mangay. InshaAllah ta’ala is ke rizq mein kushadgi paida hogi. Allah ta’ala us se rizq ki tangi daur farma day ga.

Jo shakhs in Asma ka vird kasrat se kare ga is ke dil mein Allah ki makhlooq ke liye riqqat aur narmi paida hogi bhooka insan ya janwar is shakhs se dekha nahi jaye ga woh khud bhooka rah kar bhi doosron ko khana khila ye ga aur is terhan usay dili raahat hasil ho gi.

Agar kisi ka kaam ruk gaya aur usay apna maqsad hasil karne ke liye maal darkar ho to usay chahiye ke woh 40 Din tak (Ya Basito Ya Razzaqo) in Asma ka rozana 3125 martaba bad Namaz esha vird kere. muddat khatam honay tak Allah taala is ke hal par meharbani farma day ga aur is ka jo naik maqsad hoga is ke liye Allah taala ghaib se maal ka bandobast kar day ga.

Aksar gharon mein miyan biwi ke bahami taluqaat zareya muaash ki kami ke wajah se kharab ho jate hain agar kisi ghar mein aisa ho to aurat ko chahiye ke woh rozana Ya Basito Ya Razzaqo ko 11000 martaba padhnay ka mamool banaye aur Allah taala se dua kere to gharelo amdan mein Allah taala izafay ka koi sabab paida farma day ga jis ki bana par miyan biwi mein sulooq o ittafaq ho jaye ga.

Chun ke mandarjah baala Asma Ellahi ko ba kasrat padhte rehne se padhne walay ke maali halat behtar ho jatay hain aur is ke sath hi is vird ki wajah se padhne walay ka rujhan sakhavat aur Allah taala ki raah mein dene ka jazba badh jata hai. us ke dil mein farakhi paida ho jati hai aur agar kisi mein kanjoosi ki aadat ho to woh bhi is vird ki badolat khatam ho jati hai. is liye yeh wazifa bedaari jazba sakhavat ke liye intehai mufeed hai.

• 40 Hadees e Nabvi S.A.W. in Urdu Images Collections
• 40+ Jummah Mubarak Status, Quotes, Dua, Images